Emaitza | Résultats de recherche (95 résultats)

Kultur Kuboa : Annelise ORBEL eta MAÏRÜ artean + Mutxikoak Pariseko metroan ?

Kultur Kuboa : Annelise ORBEL eta MAÏRÜ artean + Mutxikoak Pariseko metroan ?

Sorkuntzak | Créations
Euskara
55:35
3/10/22

Aste honetako Kultur Kuboan : Annelise Arnaud-Cazamayou musikariak ORBEL eta MAÏRÜ taldeen aurkezpena egiteaz gain, sorkuntzaren onurak aipatzen dizkigu (MAÏRÜ taldeak diska berria aurkeztu du 2022an).

Bestalde, Mikel Perez, musikari ta kantariak, bere ibilbide artistiko aberatsa aurkeztu dauku : Hastapenak Euski taldearekin, profesional gisa Patxi eta Konpaniarekin, Pariseko metroan musikari baimendua eta, azkenik, frantsesez sortutako kantuekin « Mikel P. » izen artistikopean... …

Musika : MAIRU «  Etzan », Led Zeppelin «Ramble on »

Jatorria : Radiokultura

Kultur Kuboa : Michel, Kebeken ere euskaraz ! + AlbøSax, soinu tresnen topaketa (Mixel Ducau)

Kultur Kuboa : Michel, Kebeken ere euskaraz ! + AlbøSax, soinu tresnen topaketa (Mixel Ducau)

Sorkuntzak | Créations
Euskara
55:18
26/09/22

Aste honetako Kultur Kuboan :  Topaketa harrigarri bezain interesgarria egin dugu kebekiar azentuarekin euskaraz mintzatzen den Montrealeko bisitari batekin. Euskara deskubritu zuenetik (duela 20 urte!), Michel Usereau, Kebekiar erakasleak, Euskal Herrirat hainbat aldiz etorrri da ikastaldi batzuetan parte hartzeko.

Hizkuntzen zaletasuna lanean ere baliatzen duela segurtatzeaz gain (Kebekerat ailegatzen diren etorkinei frantsesa erakasten die MIDI egituraren bidez), Michelek « Nor-Nori-Nork » maite duela aitortzen dauku …

Bestalde, Mixel Ducau, ibilbide luzeko musikaria eta « AlbøSax » taldearen buruak, albokarekin duen harremana aipatzeaz gain, « Otazu Blues » deitzen den diska aurkezten dauku …

Musika : AlbøSax «  Alboka 2.0 », Joan de Nadau « Hain pozik naiz jainko maitea »

Jatorria : Radiokultura

Kultur Kuboa : Bixente Pistan ez dago (Zortzi) + Akordeoia irringarria da (Iker)

Kultur Kuboa : Bixente Pistan ez dago (Zortzi) + Akordeoia irringarria da (Iker)

Sorkuntzak | Créations
Euskara
54:20
19/09/22

Aste honetako Kultur Kuboan :  Bixente Junca eta Xanti Legarto musikariek ZORTZI taldea sortu dute 2016 urtean. Hasieran, Euskal musikagintzatik hartutako kantu ezagun batzuk aukeratzen zituzten beraien ukitua emanez. 2022 urtean, bikotetik laukoterat pasatu dira (Pierre Sangla baterian eta Thomas Saez baxuan) eta beraiek konposatutako kantuekin diska berri bat atera dute.
Bixentek, Zortzi taldearen azken egitasmoa aipatzen dauku...

Bestalde, Baionako Iparraldeko kontserbatoriorat urbildu gara, musika ikasleen lana ezagutzeko. Akordeoia hautatu zuela irringarria iruditzen baitzitzaion aitortzen digu, Iker, soinujole gazte batek.

Musika : Zortzi «  Pistan Ez Nago », Lülü Smack « Ozpina ».

Jatorria : Radiokultura

Kultur Kuboa : Nola dabil Kiribil ? + Aurtengo « Kakolkeriak » (#2)

Kultur Kuboa : Nola dabil Kiribil ? + Aurtengo « Kakolkeriak » (#2)

Sorkuntzak | Créations
Euskara
51:11
12/09/22

Aste honetako Kultur Kuboan : Kiribil konpainia, Senperen kokatutako elkarte artistiko bat da, nun arreta berezia ematen zaion gizakiari. Horretarako, Arte eskaintzatik urrundua den jendearengana doa (ñiñiak, adineko pertsonak, errefuxiatuak, autistak edo ezkizofrenikoak …) eta beren bizilekuetan sartzen da
Amaia Hennebutte, Kiribilen zuzendari artistikoak, konpainiaren proiektu ugariak aurkezten dauzkigu...

Bestalde, sasoi honetako LEHEN KulturKuboa izanki, sorpresa bat prestatu dautzuegu (bigarren partea!) : joan den sasoineko emankizunetan egin ditugun hutsak eta kakolkeriak berreskuratu ditugu zuekin partekatzeko … irria aseguratua !!!!

 

Musika : Tonino Carotone « Lamore non paga », Niko Etxart « Rock and Roll Hoochie Koo ».

 

Jatorria : Radiokultura

Kultur Kuboa : Jon orain « Tom Hématome » deitzen da + Aurtengo « Kakolkeriak » (Azken emankizuna !)

Kultur Kuboa : Jon orain « Tom Hématome » deitzen da + Aurtengo « Kakolkeriak » (Azken emankizuna !)

Sorkuntzak | Créations
Euskara
53:58
27/06/22

Aste honetako Kultur Kuboan : Dantza deskubritu zuenetik (Talo baten bidez!), Jon Vernier Bardoztar gaztearen ibilbidea arte horri lotua izan da. Bere lehen urratsak euskal dantzan egin ondoren, Angers hiriko dantza garaikide zentroan garatu du bere formakuntza. Aurten, antzerkiaren mundurat urbildu da eta « Hecho en Casa » konpainiak hasi berri duen « Chutes » sormen prozesuan aritzeko parada izan du. Jonek bere ibilbidea aipatzeaz gain, artearen eta sorkuntzaren beharra zalatzen dauku...

Bestalde, sasoi honetako azken KulturKuboa izanki, sorpresa bat prestatu dautzuegu : aurtengo emankizunetan egin ditugun hutsak eta kakolkeriak berreskuratu ditugu (orai arte hedatu gabekoak!) zuekin partekatzeko … irria aseguratua !!!!

Musika : Willis Drummond « Gaztetasuna eta zahartasuna », The Fall «Big new Prinz ».

Jatorria : Radiokultura

Kultur Kuboa : EHZ Kuiz ! (Joana & Julen)

Kultur Kuboa : EHZ Kuiz ! (Joana & Julen)

Sorkuntzak | Créations
Euskara
53:36
20/06/22

Aste honetako Kultur Kuboan : Irisarrin iraganen den EHZ festibalaren atarian bait gara, Hazparneko estudiorat gonbidatu ditugu festibal famatu honen 2 kide : Joana Barbier eta Julen Oillarburuk aurtengo edizioaz mintzatzeaz gain Beñadinen « Kuiz » galdetegi kokinari erantzun behar izan dute...    

Musika : Ezpalak « Hegan edo hilik » & « Zatoz » , Niko Etxart « Oihaneko zuhainetan ».

Jatorria : Radiokultura

Kultur Kuboa :  lan duina etorkinentzat ere ! + Arkatza, Martinen garagardoa …

Kultur Kuboa : lan duina etorkinentzat ere ! + Arkatza, Martinen garagardoa …

Sorkuntzak | Créations
Euskara
56:47
13/06/22

Aste honetako Kultur Kuboan : Lanik gabe, lurraldean bizitzeko paper ofizialik ez eta paperik gabe lan kontraturik ez … Hori da gaur egun Ipar Euskal Herrian etorkin gehienek pairatzen duten egoera kafkianoa. LAB sindikatuko bozeramailea den Eñaut Aramendik, Cimade eta Etorkinekin elkarteekin batera eramaten duten borroka ta lana aurkeztu dauku.    

Bestalde, Martin Lemaire, Itsasuko « Arkatza » garagardotegiaren sortzaileak, erabiltzen dituen osagai gehienak Euskal Herriko pentzetik etortzen direla azaldu digu. Gainera, laborari gisa instalatzen ari baita, laister, osagai horietako batzuk berak ekoiztuko dituela segurtatu dauku ere bai...

Musika : AlbøSax « Ufa goxo », Arno « Il est tombé du ciel ».

Jatorria : Radiokultura

Kultur Kuboa : Inklusioa bai eskolan, bai jendartean … (Pantxin Duhart, Bil ta Bila)

Kultur Kuboa : Inklusioa bai eskolan, bai jendartean … (Pantxin Duhart, Bil ta Bila)

Sorkuntzak | Créations
Euskara
52:24
6/06/22

Aste honetako Kultur Kuboan : 2017an, « Bil ta Bila » elkartea sortu da Integrazio Batzordea elkartea diruz laguntzeko asmoz. 2020ko irailan denda bat ideki du elkarteak Larresoron, bigarren eskuko gauzak saltzeko : jantziak, liburuak, diskoak, altzari ttipiak, etxetresna, elektrogailu ttipiak, baxera,...

 

Pantxin Duhart, elkarteko partaideak Bil ta Bilaren istorioa eta ibilmoldea kontatzeaz gain, dendaren ateak ideki dizkigu...

Musika : Juan Mari Beltran « Arditurri », Meat Loaf « Two out of three aint bad ».

Jatorria : Radiokultura

Kultur Kuboa : Gure barnetik ateratzen dena kantatzen dugu ... (Josu Guillen - Fizt & Furiuz !)

Kultur Kuboa : Gure barnetik ateratzen dena kantatzen dugu ... (Josu Guillen - Fizt & Furiuz !)

Sorkuntzak | Créations
Euskara
57:24
30/05/22

Aste honetako Kultur Kuboan : Josu Guillen, « Fizt & Furiuz » metal taldearen kantaria (eta Radiokulturako langile ohia!), gonbidatu dugu gure estudiorat mementu goxo baten pasatzeko …

 

Josuk, taldearen kantu berriak aurkeztu dizkigu ta Beñadinen quizz famatuari erantzun baitaere …

Musika : Fizt & Furiuz « Aitzaki bahitzailea », « Dirdiraren oihua ».

Jatorria : Radiokultura

Kultur Kuboa : Punk, Afro-Rock edota Rebetikoa … dena maite dut ! (Niko Perret – Frikun)

Kultur Kuboa : Punk, Afro-Rock edota Rebetikoa … dena maite dut ! (Niko Perret – Frikun)

Sorkuntzak | Créations
Euskara
54:42
23/05/22

Aste honetako Kultur Kuboan : Niko Perret, « Frikun » taldearen musikari ta kantariak, bere ibilbide artistiko aberatsa aurkeztu dauku. Punk musikarekin hasi, afrikar edota kumbia soinuetarat igaro arte, ahantzi gabe Greziar kulturaz eta musikaz duen zaletasuna …

*« Frikun » Euskal Herriko lau musikarik osatzen duten Afro-Rock taldea da eta aurten « Ezerezko Herria » diska berria aurkeztu berri dute.

Musika : Joxe Replay « Margarita », Frikun « Denboratik at » eta Paco Ibañez « La poesia es un arma cargada de futuro ».

Jatorria : Radiokultura

Kultur Kuboa : Elodie « Basa » da salbu bitxiak egiterakoan ! + Shorebreaker estudioa Xanek aurkezturik !

Kultur Kuboa : Elodie « Basa » da salbu bitxiak egiterakoan ! + Shorebreaker estudioa Xanek aurkezturik !

Sorkuntzak | Créations
Euskara
54:23
16/05/22

Aste honetako Kultur Kuboan : Aldi honetan Baigorrirat joan gara Elodie Bassagaisteguy bitxiegile gaztearen ezagutza egitera. Bitxigintzako ikasketak duela 16 urte bururatu zituen bainan Parisetik bueltatu denetik ez du ofizio honetan jarraitu. Konfinamenduak eragindako gogoeten ondoren, Elodiek bere joaieria lantzeko tresnak berriz hartzea erabaki du « Basa » deitutako tailerra instalatzeko …

Bestalde, Tarnozen kokatua den Shorebreaker estudioan topatu dugu Xan Bidegain baxujolea (Willis Drummond taldean besteak beste). Estudio hau taldearen errepika gela nagusia bilakatu da, musika lantzeko baldintzak azkarki hobetuz. Xanek Shorebreaker proiektuaren nondik norakoak aipatzeaz gain, estudio baten lan egitearen abantailak azaltzen dizkigu...

Musika : Nathalie Cole « Lucy in the sky with diamonds », Water Liars « Cannibal ».

Jatorria : Radiokultura

Kultur Kuboa : Ander Lipus atzerriko lurretan + Hazparneko Mediateka 20 urte !

Kultur Kuboa : Ander Lipus atzerriko lurretan + Hazparneko Mediateka 20 urte !

Sorkuntzak | Créations
Euskara
53:12
2/05/22

Aste honetako Kultur Kuboan : Bost pertsonai antzezten ditu Ander Lipus aktoreak « Atzerrian lurra garratz » obran. Laura Penagos kolonbiar antzerkilariarekin batera antzezten duten ixtorioan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...   Anderrek aitortzen dauku erronka bat izan dela emazte atzerritar bati protagonismoa uztea

Bestalde, Hazparneko Pierre Espil mediatekak 20 urte bete ditu 2022 urte hasieran. Deneri idekia den leku publiko kultural eta atsegin honek, bisitariak harritzeko xedea du.  Miren Etxekopar, euskal funtsaren arduradunak, azken 20 urte horietako mediatekaren eboluzioa aipatzeaz gain, liburuak baino haratago doan eskaintza aberatsa aurkezten digu...

Musika : Albosax « Albokalapita », Wardruna and Aurora « Helvegen live ».

Jatorria : Radiokultura

Kultur Kuboa : Elkarrekin ALDAketa ALDArrikatzen … (Xebax Christy)

Kultur Kuboa : Elkarrekin ALDAketa ALDArrikatzen … (Xebax Christy)

Sorkuntzak | Créations
Euskara
55:44
25/04/22

Aste honetako Kultur Kuboan : 2020ko udazkenean sortua, ALDA mugimendua nahiko ezaguna bilakatu da azken urtean etxebizitzaren problematikaren aurka ekintzak antolatuz eta aterabideak proposatuz (adibidez, berriki bozkatu ta onartua izan den « Konpensazioaren » legearen sustapena eramanez).

Xebax Christy, ALDA mugimenduaren bozeramaileak, elkartearen sorreraren nundik norakoak azaltzeaz gain, herritarren eskubideen defendatzeko existitzen diren tresnak aurkezten dauku...     

Musika : Nino Ferrer « Les hommes à tout faire », Gregory Alan Isakov « Amsterdam bing lounge ».

Jatorria : Radiokultura

Kultur Kuboa : Euskal kultura Iparraldeko Konserbatorioan sartzen delarik … (Marie Bidart)

Kultur Kuboa : Euskal kultura Iparraldeko Konserbatorioan sartzen delarik … (Marie Bidart)

Sorkuntzak | Créations
Euskara
53:28
18/04/22

Aste honetako Kultur Kuboan : Iparraldeko Kontserbatorioak, Euskal kultur erakundearen partaidetzarekin,  « Euskal kulturaren eguna » antolatu zuen apiril hasieran. Egun berezi hau baliatu nahi izan dugu Konserbatorioak azken urtean garatu nahi izan duen « Herri musika » saila hobeto ezagutzeko Marie Bidarten eskutik (Musika ta kantu herrikoien irakaslea eta Herri musika sailaren arduraduna).

Marie Bidartek Konserbatorioan euskal kulturaren presentzia gero ta nabarmenagoa izanen dela segurtatzen dauku...

Musika : Gari « Zerura begira, hodei missing », Iparraldeko Konserbatorioko Herri Musika saileko ikasleak Joseba Tapiarekin (Euskal kulturaren egunean grabatutako zati bat).

Jatorria : Radiokultura

Kultur Kuboa : Haurrekiko « Errespetua, ulermena eta maitasuna » sustatu behar dugu … (Laguntza etxerat)

Kultur Kuboa : Haurrekiko « Errespetua, ulermena eta maitasuna » sustatu behar dugu … (Laguntza etxerat)

Sorkuntzak | Créations
Euskara
51:07
11/04/22

Aste honetako Kultur Kuboan : Margaux Souveste haur hezitzaileak, Hazparnen kokatua den Laguntza Etxerat elkartearen haurtzainen bitartekaritzan lan egiten du.

Margaux-k haurtzaindegi modu desberdinen berezitasunak azaltzen dizkigu (taldean antolatuta edota etxean bakarka ari direnak), haurtzaro ttipiaz duen ikusmoldea emanez...

Musika : Joseba Tapia « Hemen dago », Berri Txarrak « Poligrafo bakarra ».

Jatorria : Radiokultura

Kultur Kuboa : Lekorneko « Pospolin » Bio edertegian ongizatea atzematen da … (Maiana Heguy)

Kultur Kuboa : Lekorneko « Pospolin » Bio edertegian ongizatea atzematen da … (Maiana Heguy)

Sorkuntzak | Créations
Euskara
55:27
4/04/22

Aste honetako Kultur Kuboan : Estetilaria izan aintzin, 10 urtez artatzaile gisa aritu izan da Maiana Heguy Hazpandarra. Estetilaria den bere ttanttaren lanaz inspiraturik eta ofizio hori ikasteko formakuntza batzuk segitu ondoren, Maianak « Pospolin » Bio edertegia ireki du Lekornen. Leku ezinago eder batean, hainbat zerbitzu eskaintzen ditu : Irudi aholkuak, aurpegiko artak, masajeak, Oncobulle, epilazioa...

 

Maianak Pospolinen ateak ireki dizkigu ongizatearen tokia nola irudikatu duen azaltzeko...


Musika : Anari « Zebra», Sniedze Prauliņa « Izoletta ».

 

Jatorria : Radiokultura

Kultur Kuboa : Ukan dezagun gauzak aldatzeko aukera … (Marie Lagan, AIGA)

Kultur Kuboa : Ukan dezagun gauzak aldatzeko aukera … (Marie Lagan, AIGA)

Sorkuntzak | Créations
Euskara
56:42
28/03/22

Aste honetako Kultur Kuboan : Uda Leku elkarteak, AIGA (Animatzaile Izateko Gaitasun Agiria) antolatzen du azken urte horietan. Marie Lagan, animatzaileen formatzailea eta azken AIGA formakuntzaren arduraduna da. Marie-k zehazki azaldu digu zer den AIGA, formakuntza nori zuzendua den eta zer den animazioa berarentzat.

Bestalde, Radiokulturaren mikroa ikastunengana joan da baitaere … Entzun ezazue Paul, Erika eta Laidaren lekukotasunak.

Musika : Johnny Curutchet « Nafarroaren eguna bertsoa », Matt McGinn « I Was Born 10,000 Years Ago », Andrew Bird & Lucius « Venus in furs ».

Jatorria : Radiokultura

Kultur Kuboa : Ixa, Yogaren orekaren adierazlea + Laura, Kolonbiatik heldu den antzerkilaria ...

Kultur Kuboa : Ixa, Yogaren orekaren adierazlea + Laura, Kolonbiatik heldu den antzerkilaria ...

Sorkuntzak | Créations
Euskara
57:57
21/03/22

Aste honetako Kultur Kuboan : Isabelle Miquelestorena "Ixa", Ezpeletar argazkilari eta yoga erakasleak, hazparneko estudiora jin zitzaigun azaltzeko nola deskubritu zuen yoga eta meditazioa. Praktika honi esker oreka berri bat lortu du bere bizian eta hori transmititzea erabaki du yoga erakaslea bilakatuz...

Bestalde, Laura Penagos kolonbiar antzerkilariarekin solastatzeko parada izan dugu. Bere herrian euskaldun bat ezagutu ondoren, Euskal Herrirat etorri zen duela dozena bat urte eta joan den urtean, Ander Lipus aktorearekin « Atzerrian lurra garratz » antzezlanarekin tauletarat buelatu da. Obra honetan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...  Laurak aitortzen dauku euskara ikasteak, Kolonbian galdutako arima berreskuratzen lagundu diola.

Musika : Kaskezur « Mendiak 1976 », Stef Chura « Speeding ticket ».

Jatorria : Radiokultura

Kultur Kuboa : Borderline Fabrika berriz martxan + Uhartearen Mugetan (Itxaro Borda)

Kultur Kuboa : Borderline Fabrika berriz martxan + Uhartearen Mugetan (Itxaro Borda)

Sorkuntzak | Créations
Euskara
55:00
7/03/22

Aste honetako Kultur Kuboan : Ander Fernandez musikari ta artistarekin elkartu gara Hendaiako geltokian « Borderline Fabrika » proiektua hobeto ezagutzeko eta gune berezi honen dinamika berriaz solastazeko.

Bestalde, Itxaro Bordak azken 12 urtetan idatzitako olerkiekin idatzi ta aurkeztu berri duen « Uhartearen mugetan » (Maiatz argitaletxea) poesia liburu elebiduna aurkeztu digu...

Musika : Muskulo « La nouvelle vie d’Elia », Cake « The distance ».

Jatorria : Radiokultura

Kultur Kuboa : Maianaren istorio koloretsuak...  !

Kultur Kuboa : Maianaren istorio koloretsuak... !

Sorkuntzak | Créations
Euskara
48:25
28/02/22

Aste honetako Kultur Kuboan : Maiana Agorrody, Uztariztar artista eta erakaslearekin solastatzeko parada izan dugu. Artearen bidez istorioak kondatzeko bururatzen zaizkion irudiak  nola ateratzen dituen azaldu zigun Maianak.

* Maianaren mundu zatitxo bat zeharkatzen ahal duzue, martxoaren 4tik maiatzaren 25 arte,  Miarritzeko Atabalen « DYSTROPIK » deitzen den erakusketaren bidez.

Musika : Molo Sayat « Adame», Wintersleep « Weighty ghost ».

Jatorria : Radiokultura