Aste honetako Kultur Kuboan : Aldi honetan Baigorrirat joan gara Elodie Bassagaisteguy bitxiegile gaztearen ezagutza egitera. Bitxigintzako ikasketak duela 16 urte bururatu zituen bainan Parisetik bueltatu denetik ez du ofizio honetan jarraitu. Konfinamenduak eragindako gogoeten ondoren, Elodiek bere joaieria lantzeko tresnak berriz hartzea erabaki du « Basa » deitutako tailerra instalatzeko …Bestalde, Tarnozen kokatua den Shorebreaker estudioan topatu dugu Xan Bidegain baxujolea (Willis Drummond taldean besteak beste). Estudio hau taldearen errepika gela nagusia bilakatu da, musika lantzeko baldintzak azkarki hobetuz. Xanek Shorebreaker proiektuaren nondik norakoak aipatzeaz gain, estudio baten lan egitearen abantailak azaltzen dizkigu...Musika : Nathalie Cole « Lucy in the sky with diamonds », Water Liars « Cannibal ».Jatorria : Radiokultura

Istorioak maite dituzue ?   Itsasuko gau eskolako lehen urteko ikasle (eta aldi berean guraso) talde bat gure estudiora jin dira haur istorio irakurketak grabatzera.   Entzun ezazue « Txantxangorri mokofina » istorioa bikaina (Juliette, Nikola, Maider eta Charlotten ahots ederretatik kondatua)   Jatorria : Radiokultura

Aste honetako Kultur Kuboan : Aldi honetan « Alabena » konpainia berria ezagutzeko parada izan dugu Arantxa Lannes Uztariztarrak aurkezturik. Konpainia honetan, Arantxak Nagusiki dantza, musika eta margoak uztartzen ditu bere sorkuntza ugarien isalada erakutsiz …Artantxak, « Alabena » konpainiaren jatorria aipatzeaz gain, « Izakiak » deituriko ikuskizun berria aurkezten dauku...Musika : Pixies « Hey », Mister Saguak « Tagada ».Jatorria : Radiokultura

Aste honetako Kultur Kuboan : Bost pertsonai antzezten ditu Ander Lipus aktoreak « Atzerrian lurra garratz » obran. Laura Penagos kolonbiar antzerkilariarekin batera antzezten duten ixtorioan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...   Anderrek aitortzen dauku erronka bat izan dela emazte atzerritar bati protagonismoa uztea Bestalde, Hazparneko Pierre Espil mediatekak 20 urte bete ditu 2022 urte hasieran. Deneri idekia den leku publiko kultural eta atsegin honek, bisitariak harritzeko xedea du.  Miren Etxekopar, euskal funtsaren arduradunak, azken 20 urte horietako mediatekaren eboluzioa aipatzeaz gain, liburuak baino haratago doan eskaintza aberatsa aurkezten digu... Musika : Albosax « Albokalapita », Wardruna and Aurora « Helvegen live ».Jatorria : Radiokultura

Aste honetako Kultur Kuboan : 2020ko udazkenean sortua, ALDA mugimendua nahiko ezaguna bilakatu da azken urtean etxebizitzaren problematikaren aurka ekintzak antolatuz eta aterabideak proposatuz (adibidez, berriki bozkatu ta onartua izan den « Konpensazioaren » legearen sustapena eramanez).Xebax Christy, ALDA mugimenduaren bozeramaileak, elkartearen sorreraren nundik norakoak azaltzeaz gain, herritarren eskubideen defendatzeko existitzen diren tresnak aurkezten dauku...     Musika : Nino Ferrer « Les hommes à tout faire », Gregory Alan Isakov « Amsterdam bing lounge ».Jatorria : Radiokultura

Aste honetako Kultur Kuboan : Iparraldeko Kontserbatorioak, Euskal kultur erakundearen partaidetzarekin,  « Euskal kulturaren eguna » antolatu zuen apiril hasieran. Egun berezi hau baliatu nahi izan dugu Konserbatorioak azken urtean garatu nahi izan duen « Herri musika » saila hobeto ezagutzeko Marie Bidarten eskutik (Musika ta kantu herrikoien irakaslea eta Herri musika sailaren arduraduna).Marie Bidartek Konserbatorioan euskal kulturaren presentzia gero ta nabarmenagoa izanen dela segurtatzen dauku...Musika : Gari « Zerura begira, hodei missing », Iparraldeko Konserbatorioko Herri Musika saileko ikasleak Joseba Tapiarekin (Euskal kulturaren egunean grabatutako zati bat).Jatorria : Radiokultura

Aste honetako Kultur Kuboan : Margaux Souveste haur hezitzaileak, Hazparnen kokatua den Laguntza Etxerat elkartearen haurtzainen bitartekaritzan lan egiten du.Margaux-k haurtzaindegi modu desberdinen berezitasunak azaltzen dizkigu (taldean antolatuta edota etxean bakarka ari direnak), haurtzaro ttipiaz duen ikusmoldea emanez...Musika : Joseba Tapia « Hemen dago », Berri Txarrak « Poligrafo bakarra ».Jatorria : Radiokultura

Aste honetako Kultur Kuboan : Estetilaria izan aintzin, 10 urtez artatzaile gisa aritu izan da Maiana Heguy Hazpandarra. Estetilaria den bere ttanttaren lanaz inspiraturik eta ofizio hori ikasteko formakuntza batzuk segitu ondoren, Maianak « Pospolin » Bio edertegia ireki du Lekornen. Leku ezinago eder batean, hainbat zerbitzu eskaintzen ditu : Irudi aholkuak, aurpegiko artak, masajeak, Oncobulle, epilazioa...   Maianak Pospolinen ateak ireki dizkigu ongizatearen tokia nola irudikatu duen azaltzeko... Musika : Anari « Zebra», Sniedze Prauliņa « Izoletta ».   Jatorria : Radiokultura

Aste honetako Kultur Kuboan : Uda Leku elkarteak, AIGA (Animatzaile Izateko Gaitasun Agiria) antolatzen du azken urte horietan. Marie Lagan, animatzaileen formatzailea eta azken AIGA formakuntzaren arduraduna da. Marie-k zehazki azaldu digu zer den AIGA, formakuntza nori zuzendua den eta zer den animazioa berarentzat.Bestalde, Radiokulturaren mikroa ikastunengana joan da baitaere … Entzun ezazue Paul, Erika eta Laidaren lekukotasunak.Musika : Johnny Curutchet « Nafarroaren eguna bertsoa », Matt McGinn « I Was Born 10,000 Years Ago », Andrew Bird & Lucius « Venus in furs ».Jatorria : Radiokultura

Aste honetako Kultur Kuboan : Isabelle Miquelestorena "Ixa", Ezpeletar argazkilari eta yoga erakasleak, hazparneko estudiora jin zitzaigun azaltzeko nola deskubritu zuen yoga eta meditazioa. Praktika honi esker oreka berri bat lortu du bere bizian eta hori transmititzea erabaki du yoga erakaslea bilakatuz... Bestalde, Laura Penagos kolonbiar antzerkilariarekin solastatzeko parada izan dugu. Bere herrian euskaldun bat ezagutu ondoren, Euskal Herrirat etorri zen duela dozena bat urte eta joan den urtean, Ander Lipus aktorearekin « Atzerrian lurra garratz » antzezlanarekin tauletarat buelatu da. Obra honetan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...  Laurak aitortzen dauku euskara ikasteak, Kolonbian galdutako arima berreskuratzen lagundu diola.Musika : Kaskezur « Mendiak 1976 », Stef Chura « Speeding ticket ».Jatorria : Radiokultura

Aste honetako Kultur Kuboan : Sukaldaritza nomadaren parioa egin zuenetik, bere pasioa hedatzeko parada gauzatu du Guilhem Marrimpoey Donamartiriarrak. Jatetxe desberdinetan lan egin ondoren, sukalde ibiltari baten (« Mutturfin » food-truck delakoa) erosteko aukera izan duelarik, ez du bi aldiz pentsatu …Guilhemek bere « Mutturfin » kamioi ederra aurkezten dauku eta honekin asmatu duen herriz herriko (Donamartiri, Isturitze, Irisarri, Heleta, Ortzaize, Hazparne edota Elizaberrin) eta etxez etxeko (asteburuetan) proposamena azaltzen digu...  Musika : Subcarpati « Folclor nemuritor », Aurora « Rasputin (Boney M) ».Jatorria : Radiokultura

Aste honetako Kultur Kuboan : Ander Fernandez musikari ta artistarekin elkartu gara Hendaiako geltokian « Borderline Fabrika » proiektua hobeto ezagutzeko eta gune berezi honen dinamika berriaz solastazeko.Bestalde, Itxaro Bordak azken 12 urtetan idatzitako olerkiekin idatzi ta aurkeztu berri duen « Uhartearen mugetan » (Maiatz argitaletxea) poesia liburu elebiduna aurkeztu digu... Musika : Muskulo « La nouvelle vie d’Elia », Cake « The distance ».Jatorria : Radiokultura

Zantzu Ipar Euskal Herriko gazte batzuek eramandako irratsaio berria duzue. Bere helburua? Umilki koiunturaren irakurketa sakon eta pentsatu bat eramaitea eta plazaratzea, beharrezkoa den gibeltasuna hartzen entseatuz! Kultura, faxismo, genero problematika, konfinamendu, kapital, burgesia, gazte, neska, antolakuntza, "demokrazia" (?)... Horiek dira entzuten ahalko dituzuen hitzak Zantzu emankizunean!   Entzun eta goza: Zantzu #7    Musika: Beyonce "Single Ladies"   Jatorria: Radiokultura

Aste honetako Kultur Kuboan : Maiana Agorrody, Uztariztar artista eta erakaslearekin solastatzeko parada izan dugu. Artearen bidez istorioak kondatzeko bururatzen zaizkion irudiak  nola ateratzen dituen azaldu zigun Maianak.* Maianaren mundu zatitxo bat zeharkatzen ahal duzue, martxoaren 4tik maiatzaren 25 arte,  Miarritzeko Atabalen « DYSTROPIK » deitzen den erakusketaren bidez.Musika : Molo Sayat « Adame», Wintersleep « Weighty ghost ».Jatorria : Radiokultura

Aste honetako Kultur Kuboan :  Olatz Perez, filosofia erakasle ohia, musikaria, estudiora jin zaigu  bere ibilbide aurkeztera eta « Gogoan Dantzan » proiektua azaltzera.Tailler bereziak eskaintzen ditu edozoin adinentzat, edozoin lekutan filosofia eta artea uztartuz.Izan edo ez izan, entzun dezagun « kaleko filosofoa » definitzen dena ! !Musika : Puuluup « Viimane Suusataja », Manchester Orchestra « The silence ».Jatorria : Radiokultura

Aste honetako Kultur Kuboan : Frederic Arburua ezpeletar mendizaleak Nepalen kokatua den Manaslu mendia (8163 metro) oxigenorik gabe igotzea lortu zuen 2021eko irailan. 3 urte aintzin, jada, Tibetetar Cho Oyu tontorra (8201 metrokoa) igo zuen oxigenorik gabe baitaere !Aldi huntan, Frederic-ek Baionako Marengo karrika igo du Radiokulturaren estudiora iristeko. Nola prestatu eta bizi dituen balentri horiek azaldu digu Frederic-ek...Musika : Hertzainak « Ta zer ez da berdin », Angus & Julia Stone « Big Jet Plane », Hunger Strike « 25th anniversary mix ».Jatorria : Radiokultura

Aste honetako Kultur Kuboan : Didier Agerre Pagolarak, xirula ikasteko nahia erakutsi zion Mixel Etxekoparri presondegian zelarik. Azken honekin harremanetan sartu ondoren, 2008an, Lannemezan kartzelan hasi ziren musika ikastaldiak. Berriki Mixel Etxekoparek kartzelan bizitako esperientzekin « Musikartzela » deitzen den kronika liburu bat plazaratu du (ZTK argitaletxea).   Mixelekin parada ukan dugu kartzelaz eta liburu hortaz solastazea... *Otsailaren 12an, Mixel ta beste artistak kontzertu bat emanen dute Euskal preso politiko ohi eta errefuxiatuen alde, Pagolan.   Musika : Mad Season « Long gone day », Le trio Joubran « Masar », « Musiheska » diskatik 3 zati.   Jatorria : Radiokultura

Aste honetako Kultur Kuboan : Hazparneko « Mister Saguak » taldeak 90 hamarkadako rock eszena markatu zuen. Yves Bidart  taldearen kantariak, izen berezi honen jatorria aipatzeaz gain, diska berri bat grabatzeko asmoa badutela aitortzen dauku......Musika : Mister Saguak « Amarrainak » & « Pilota ez », Aurora « It happened quiet », La Polla Records « En el sitio donde yo vivo », Emma Russack « All my dreaming ».Jatorria : Radiokultura

Aste honetako Kultur Kuboan : Aitor Ruiz de Egino Hernaniar artistarekin Ustaritzeko Ttok arte lekuan topo egin dugu. Bere sorkuntza ugariaz (margolanak aluminio gainean, eskulturak, zeramikak…) solastatzeko parada izan dugu bai eta azken urteetan 3D mundua, Kriptoartea eta arte birtualearekiko duen harremanaz ere...Musika : Ennio Morricone « Arena », Vulk « Vulk  ez da », System of a down « Question ».Jatorria : Radiokultura

Munduko estudio ederrenen gisarat, Radiokulturaren harperat gonbidatzen ditugu musikari, kantari edota taldeak elkarrizketa interesgarriak zuzenezko musikarekin tartekatuz …Aldi honetan, Xabi eta Beñat Biscay anaiak eta IXABE taldeko partaideak, Beñadinen galdera zorrotzeri erantzun eta kantuak zuzenean emanez, mementu ezinhobeago bat eskaini daukute … Entzun eta goza ! Jatorria : Radiokultura Beñadin Lohiaguen laguntzarekin