Aste honetako Kultur Kuboan : Dantza deskubritu zuenetik (Talo baten bidez!), Jon Vernier Bardoztar gaztearen ibilbidea arte horri lotua izan da. Bere lehen urratsak euskal dantzan egin ondoren, Angers hiriko dantza garaikide zentroan garatu du bere formakuntza. Aurten, antzerkiaren mundurat urbildu da eta « Hecho en Casa » konpainiak hasi berri duen « Chutes » sormen prozesuan aritzeko parada izan du. Jonek bere ibilbidea aipatzeaz gain, artearen eta sorkuntzaren beharra zalatzen dauku...

Bestalde, sasoi honetako azken KulturKuboa izanki, sorpresa bat prestatu dautzuegu : aurtengo emankizunetan egin ditugun hutsak eta kakolkeriak berreskuratu ditugu (orai arte hedatu gabekoak!) zuekin partekatzeko … irria aseguratua !!!!

Musika : Willis Drummond « Gaztetasuna eta zahartasuna », The Fall «Big new Prinz ».

Jatorria : Radiokultura

Aste honetako Kultur Kuboan : Irisarrin iraganen den EHZ festibalaren atarian bait gara, Hazparneko estudiorat gonbidatu ditugu festibal famatu honen 2 kide : Joana Barbier eta Julen Oillarburuk aurtengo edizioaz mintzatzeaz gain Beñadinen « Kuiz » galdetegi kokinari erantzun behar izan dute...    

Musika : Ezpalak « Hegan edo hilik » & « Zatoz » , Niko Etxart « Oihaneko zuhainetan ».

Jatorria : Radiokultura

Aste honetako Kultur Kuboan : Lanik gabe, lurraldean bizitzeko paper ofizialik ez eta paperik gabe lan kontraturik ez … Hori da gaur egun Ipar Euskal Herrian etorkin gehienek pairatzen duten egoera kafkianoa. LAB sindikatuko bozeramailea den Eñaut Aramendik, Cimade eta Etorkinekin elkarteekin batera eramaten duten borroka ta lana aurkeztu dauku.    

Bestalde, Martin Lemaire, Itsasuko « Arkatza » garagardotegiaren sortzaileak, erabiltzen dituen osagai gehienak Euskal Herriko pentzetik etortzen direla azaldu digu. Gainera, laborari gisa instalatzen ari baita, laister, osagai horietako batzuk berak ekoiztuko dituela segurtatu dauku ere bai...

Musika : AlbøSax « Ufa goxo », Arno « Il est tombé du ciel ».

Jatorria : Radiokultura

Aste honetako Kultur Kuboan : 2017an, « Bil ta Bila » elkartea sortu da Integrazio Batzordea elkartea diruz laguntzeko asmoz. 2020ko irailan denda bat ideki du elkarteak Larresoron, bigarren eskuko gauzak saltzeko : jantziak, liburuak, diskoak, altzari ttipiak, etxetresna, elektrogailu ttipiak, baxera,...

Pantxin Duhart, elkarteko partaideak Bil ta Bilaren istorioa eta ibilmoldea kontatzeaz gain, dendaren ateak ideki dizkigu...

Musika : Juan Mari Beltran « Arditurri », Meat Loaf « Two out of three aint bad ».

Jatorria : Radiokultura

Aste honetako Kultur Kuboan : Josu Guillen, « Fizt & Furiuz » metal taldearen kantaria (eta Radiokulturako langile ohia!), gonbidatu dugu gure estudiorat mementu goxo baten pasatzeko …

Josuk, taldearen kantu berriak aurkeztu dizkigu ta Beñadinen quizz famatuari erantzun baitaere …

Musika : Fizt & Furiuz « Aitzaki bahitzailea », « Dirdiraren oihua ».

Jatorria : Radiokultura

Istorioak maite dituzue ?

Itsasuko gau eskolako lehen urteko ikasle (eta aldi berean guraso) talde bat gure estudiora jin dira haur istorio irakurketak grabatzera.

Entzun ezazue « Otsoa eta 7 pittikak » istorioa bikaina (Julien, Xabi, Remi eta Raphaellen ahots ederretatik kondatua)

Jatorria : Radiokultura

Aste honetako Kultur Kuboan : Niko Perret, « Frikun » taldearen musikari ta kantariak, bere ibilbide artistiko aberatsa aurkeztu dauku. Punk musikarekin hasi, afrikar edota kumbia soinuetarat igaro arte, ahantzi gabe Greziar kulturaz eta musikaz duen zaletasuna …

*« Frikun » Euskal Herriko lau musikarik osatzen duten Afro-Rock taldea da eta aurten « Ezerezko Herria » diska berria aurkeztu berri dute.

Musika : Joxe Replay « Margarita », Frikun « Denboratik at » eta Paco Ibañez « La poesia es un arma cargada de futuro ».

Jatorria : Radiokultura

Aste honetako Kultur Kuboan : Aldi honetan Baigorrirat joan gara Elodie Bassagaisteguy bitxiegile gaztearen ezagutza egitera. Bitxigintzako ikasketak duela 16 urte bururatu zituen bainan Parisetik bueltatu denetik ez du ofizio honetan jarraitu. Konfinamenduak eragindako gogoeten ondoren, Elodiek bere joaieria lantzeko tresnak berriz hartzea erabaki du « Basa » deitutako tailerra instalatzeko …

Bestalde, Tarnozen kokatua den Shorebreaker estudioan topatu dugu Xan Bidegain baxujolea (Willis Drummond taldean besteak beste). Estudio hau taldearen errepika gela nagusia bilakatu da, musika lantzeko baldintzak azkarki hobetuz. Xanek Shorebreaker proiektuaren nondik norakoak aipatzeaz gain, estudio baten lan egitearen abantailak azaltzen dizkigu...

Musika : Nathalie Cole « Lucy in the sky with diamonds », Water Liars « Cannibal ».

Jatorria : Radiokultura

Istorioak maite dituzue ?

Itsasuko gau eskolako lehen urteko ikasle (eta aldi berean guraso) talde bat gure estudiora jin dira haur istorio irakurketak grabatzera.

Entzun ezazue « Txantxangorri mokofina » istorioa bikaina (Juliette, Nikola, Maider eta Charlotten ahots ederretatik kondatua)

Jatorria : Radiokultura

Aste honetako Kultur Kuboan : Aldi honetan « Alabena » konpainia berria ezagutzeko parada izan dugu Arantxa Lannes Uztariztarrak aurkezturik. Konpainia honetan, Arantxak Nagusiki dantza, musika eta margoak uztartzen ditu bere sorkuntza ugarien isalada erakutsiz …

Artantxak, « Alabena » konpainiaren jatorria aipatzeaz gain, « Izakiak » deituriko ikuskizun berria aurkezten dauku...

Musika : Pixies « Hey », Mister Saguak « Tagada ».

Jatorria : Radiokultura

Aste honetako Kultur Kuboan : Bost pertsonai antzezten ditu Ander Lipus aktoreak « Atzerrian lurra garratz » obran. Laura Penagos kolonbiar antzerkilariarekin batera antzezten duten ixtorioan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...   Anderrek aitortzen dauku erronka bat izan dela emazte atzerritar bati protagonismoa uztea

Bestalde, Hazparneko Pierre Espil mediatekak 20 urte bete ditu 2022 urte hasieran. Deneri idekia den leku publiko kultural eta atsegin honek, bisitariak harritzeko xedea du.  Miren Etxekopar, euskal funtsaren arduradunak, azken 20 urte horietako mediatekaren eboluzioa aipatzeaz gain, liburuak baino haratago doan eskaintza aberatsa aurkezten digu...

Musika : Albosax « Albokalapita », Wardruna and Aurora « Helvegen live ».

Jatorria : Radiokultura

Aste honetako Kultur Kuboan : 2020ko udazkenean sortua, ALDA mugimendua nahiko ezaguna bilakatu da azken urtean etxebizitzaren problematikaren aurka ekintzak antolatuz eta aterabideak proposatuz (adibidez, berriki bozkatu ta onartua izan den « Konpensazioaren » legearen sustapena eramanez).

Xebax Christy, ALDA mugimenduaren bozeramaileak, elkartearen sorreraren nundik norakoak azaltzeaz gain, herritarren eskubideen defendatzeko existitzen diren tresnak aurkezten dauku...     

Musika : Nino Ferrer « Les hommes à tout faire », Gregory Alan Isakov « Amsterdam bing lounge ».

Jatorria : Radiokultura

Aste honetako Kultur Kuboan : Iparraldeko Kontserbatorioak, Euskal kultur erakundearen partaidetzarekin,  « Euskal kulturaren eguna » antolatu zuen apiril hasieran. Egun berezi hau baliatu nahi izan dugu Konserbatorioak azken urtean garatu nahi izan duen « Herri musika » saila hobeto ezagutzeko Marie Bidarten eskutik (Musika ta kantu herrikoien irakaslea eta Herri musika sailaren arduraduna).

Marie Bidartek Konserbatorioan euskal kulturaren presentzia gero ta nabarmenagoa izanen dela segurtatzen dauku...

Musika : Gari « Zerura begira, hodei missing », Iparraldeko Konserbatorioko Herri Musika saileko ikasleak Joseba Tapiarekin (Euskal kulturaren egunean grabatutako zati bat).

Jatorria : Radiokultura

Aste honetako Kultur Kuboan : Margaux Souveste haur hezitzaileak, Hazparnen kokatua den Laguntza Etxerat elkartearen haurtzainen bitartekaritzan lan egiten du.

Margaux-k haurtzaindegi modu desberdinen berezitasunak azaltzen dizkigu (taldean antolatuta edota etxean bakarka ari direnak), haurtzaro ttipiaz duen ikusmoldea emanez...

Musika : Joseba Tapia « Hemen dago », Berri Txarrak « Poligrafo bakarra ».

Jatorria : Radiokultura

Aste honetako Kultur Kuboan : Estetilaria izan aintzin, 10 urtez artatzaile gisa aritu izan da Maiana Heguy Hazpandarra. Estetilaria den bere ttanttaren lanaz inspiraturik eta ofizio hori ikasteko formakuntza batzuk segitu ondoren, Maianak « Pospolin » Bio edertegia ireki du Lekornen. Leku ezinago eder batean, hainbat zerbitzu eskaintzen ditu : Irudi aholkuak, aurpegiko artak, masajeak, Oncobulle, epilazioa...

Maianak Pospolinen ateak ireki dizkigu ongizatearen tokia nola irudikatu duen azaltzeko...

Musika : Anari « Zebra», Sniedze Prauliņa « Izoletta ».

Jatorria : Radiokultura

Aste honetako Kultur Kuboan : Uda Leku elkarteak, AIGA (Animatzaile Izateko Gaitasun Agiria) antolatzen du azken urte horietan. Marie Lagan, animatzaileen formatzailea eta azken AIGA formakuntzaren arduraduna da. Marie-k zehazki azaldu digu zer den AIGA, formakuntza nori zuzendua den eta zer den animazioa berarentzat.

Bestalde, Radiokulturaren mikroa ikastunengana joan da baitaere … Entzun ezazue Paul, Erika eta Laidaren lekukotasunak.

Musika : Johnny Curutchet « Nafarroaren eguna bertsoa », Matt McGinn « I Was Born 10,000 Years Ago », Andrew Bird & Lucius « Venus in furs ».

Jatorria : Radiokultura

Aste honetako Kultur Kuboan : Isabelle Miquelestorena "Ixa", Ezpeletar argazkilari eta yoga erakasleak, hazparneko estudiora jin zitzaigun azaltzeko nola deskubritu zuen yoga eta meditazioa. Praktika honi esker oreka berri bat lortu du bere bizian eta hori transmititzea erabaki du yoga erakaslea bilakatuz...

Bestalde, Laura Penagos kolonbiar antzerkilariarekin solastatzeko parada izan dugu. Bere herrian euskaldun bat ezagutu ondoren, Euskal Herrirat etorri zen duela dozena bat urte eta joan den urtean, Ander Lipus aktorearekin « Atzerrian lurra garratz » antzezlanarekin tauletarat buelatu da. Obra honetan, atzerritarren sustraitzeaz, emazteen tokiaz edota bortizkeriaz galdezkatzen dute besteak beste...  Laurak aitortzen dauku euskara ikasteak, Kolonbian galdutako arima berreskuratzen lagundu diola.

Musika : Kaskezur « Mendiak 1976 », Stef Chura « Speeding ticket ».

Jatorria : Radiokultura

Aste honetako Kultur Kuboan : Sukaldaritza nomadaren parioa egin zuenetik, bere pasioa hedatzeko parada gauzatu du Guilhem Marrimpoey Donamartiriarrak. Jatetxe desberdinetan lan egin ondoren, sukalde ibiltari baten (« Mutturfin » food-truck delakoa) erosteko aukera izan duelarik, ez du bi aldiz pentsatu …

Guilhemek bere « Mutturfin » kamioi ederra aurkezten dauku eta honekin asmatu duen herriz herriko (Donamartiri, Isturitze, Irisarri, Heleta, Ortzaize, Hazparne edota Elizaberrin) eta etxez etxeko (asteburuetan) proposamena azaltzen digu...  

Musika : Subcarpati « Folclor nemuritor », Aurora « Rasputin (Boney M) ».

Jatorria : Radiokultura

Aste honetako Kultur Kuboan : Ander Fernandez musikari ta artistarekin elkartu gara Hendaiako geltokian « Borderline Fabrika » proiektua hobeto ezagutzeko eta gune berezi honen dinamika berriaz solastazeko.

Bestalde, Itxaro Bordak azken 12 urtetan idatzitako olerkiekin idatzi ta aurkeztu berri duen « Uhartearen mugetan » (Maiatz argitaletxea) poesia liburu elebiduna aurkeztu digu...

Musika : Muskulo « La nouvelle vie d’Elia », Cake « The distance ».

Jatorria : Radiokultura

Zantzu Ipar Euskal Herriko gazte batzuek eramandako irratsaio berria duzue. Bere helburua? Umilki koiunturaren irakurketa sakon eta pentsatu bat eramaitea eta plazaratzea, beharrezkoa den gibeltasuna hartzen entseatuz! Kultura, faxismo, genero problematika, konfinamendu, kapital, burgesia, gazte, neska, antolakuntza, "demokrazia" (?)... Horiek dira entzuten ahalko dituzuen hitzak Zantzu emankizunean!

Entzun eta goza: Zantzu #7 

Musika: Beyonce "Single Ladies"

Jatorria: Radiokultura